Situación del país

Contexto

Situación de la niñez

Primera Infancia (Desde la concepción-5 años)

Niñez (6 a 11 años)

Adolescencia (12 a 17 años)

Educación primaria

 

Contexto

contexto
© W.Barbarán/UNICEF-PERÚ

 

Junio killapi 2,011 watapim presidenteta akllakurqanchik eleccionispi. Chaypim Ollanta Humala ñawpaqpi karqa, sapa pachak votokunamantam 51.4 paypaq karqa. Jurado nacional de Elecciones hinallataq hawa suyukunamanta qawaq hamuqkunapa nisqankuman hinaqa, chay eleccionismi chuya karqa, allin ruwasqa.

Chay musuq gobiernom kaykuna aypayta munarqa: wakcha kay pisiyananta, mana pipas usuchisqa kananta, llapa runa servicios soialeskunaman aypanankuta. 2,016 watakamaqa kaytam aypayta munanku: llapallan wawakuna unquykunamanta amachasqa kanankuta.

2,010 watapi musuq gobierno regionalkuna akllasqam allichakurqaku wawakunata yanapanankupaq hinallataq wayna sipaskunata, 2,011 watapi llamkayninku qallarisqanmanta pacha. 2.014 watakamam unanchasqaña kachkanku- Amazonas hinallataq  Ayacucho gobiernukuna- wawakunapa sutimpi llamkanankupaq. Wawakunam aswan allin mikusqa kananku, allin saludniyuq, allin qawarisqa. Musuq gobiernowanmi musuq autoridadkuna yaykurqaku, chaymi wakin llamkaykuna sayaq hina karqaku. Kayta qawaykusun, 2,010 watapim tawa pachak pichqa chunka iskayniyuq wachakuq mamakuna wañurqaku, 2,011 watapiñataqmi tawa pachak kimsa chunka suqtayuq wachakuq mamakuna wañurqaku, pisi niqñan wañukuqkuna karqaku. Wakin provinciakunapim  llamkaykuna mana kallpayuq karqaku, musuq autoridadkuna yaykunankukama.

Yachanataqmi descentralizacionwan imayna presupuesto qullqi rakisqa kasqanta. Ministerio de Economía y Finanzasmi kallpanchachirqa “Presupuesto por resultados” nisqata, chaypaqmi sapa pachak Solesmanta rakirqa 46.6 Solesta. Chay qullqim kanqa regionkunapi warmi qari warmakunapaq llamkaq programakunapaq. Autoridadkunam capacitacionkunata chaskikunanku, chay presupuesto qullqiwan wawakunapa sutimpi aswan allinta llamkanankupaq.

Perú suyunchikpim achka mama simiyuq kanchik, tukuy niraq llaqtakunam kanchik. Sapa pachak warmakunamantam, 15.7 indígena warmakuna kanku. Sapa pachak indígena warmakunamantam, qanchis chunka pusaqniyuqpa ayllunku wakcha kanku. Chaynataqmi sapa pachak warmakunamanta, tawa chunka pichqayuq sinchi wakcha kanku. Amazónico mama simiyuq kaq warmakunam, aswan wakcha kanku, qipapi tarikunku.

Sapa pachak indígena warmakunamantam, pusaq chunka suqtayuq wakcha ayllukunamanta hamunku, hinallataqmi tawa chunka isqunniyuq sinchi wakcha kanku (Estado de la niñez indígena, 2009, UNICEF). Paykunam astawan wañunku, mana allin mikusqa anemiawan kanku. Hinallataqmi pisilla chuya yakunku, manam educacionman aypankuchu, hinallataqmi mana utqayllachu registrachikunku.

2,011 watapim rikukurqaña, warmakuna aswan allinña kasqanku. Desnutrición cronicata qawaykusun: 2,010 watamantaqa,  2.8% pisiñam kachkan  Amazonía ruralpi, hinallataq  2.1% Andinas regionkunapi. Kay aswan allin kayninkum qallarin, aswan achka wawakunata mamanku ñuñuchisqankuwan. Chayna kaptimpas achkaraqmi desnutricionwan warmakuna kanku.

2.000 watamanta kunakamaqa, pisiñam campupi nacimuq wawakuna wañusqanku: Ñawpaqqa sapa waranqa kawsaq nacimuqkunamantam kimsa chunka hukniyuq wañurqaku, kunanqa chunka tawayuqllañam. Kaymi chayna, mamakuna yanapasqa wachakusqanku rayku, hinallataq wiksayuq kayninkupi qawarisqa kasqanku rayku. Chayna kaptimpas, aswantaraqmi yachananchik chayllaraq nacimuq wawata, imayna allin qawariykuyta.

Qawariykusun imaynatataq educacionman aypachkanku. Aswan achka- kimsa watankumanta pichqa watankukama warmi qari warmakunam- educación inicialman rinku. 2,008 watamanta kunankamaqa  5% aswan achka warmakunam educación inicialman rinku. Campumantaqa, hatun llaqtakunapim  13% aswan achka warmakuna educación inicialman rinku. 27% indígena warni qari warmakunam mana tupaqnin gradupi matriculasqa kanku, qipa gradukunapiraqmi kanku.

2.010 watamanta kunankamaqa, aswan achka warmakunam cetificado de nacimientuyuq kanku, ichaqa amazónico llaqtakunapiqa 18% warmakunam mana certificaduyuq kanku, aswanraq 23% rural amazónico comunidadkunapi. 2,011 wata qallariypim suyunchikpi sinchi para karqa hinallataq sinchi chiri. Chaymantapas, llaqta runakunam callekunaman lluqsirqaku reckamakuq wakin regionkunapi.  Mayukuna sinchita wiñaspa puqchiptinkum, wakin amazonía llaqtakunapi kimsa killata suyananku karqa claseskuna qallarinampaq

 

 
unite for children