Sobre UNICEF Perú

Sobre UNICEF Perú

Emergencias

 

Imataq UNICEF Perú

madre
© UNICEF/PERA011999

2,012 watapim qallarirqa Cooperación Perú-UNICEF 2012-2016. Ñawpaqmi kay yanapakuypi llamkarqaku 2006 watamanta-2011 watakama, huk watam sinchita llamkarqaku chay yanapakuy qispichiypi. Presidente akllakuy pachapim, musuq autoridadkuna yaykurqaku regional, local gobiernokunaman; chaymi ñuqayku paykunaman riqsichinayku karqa imakunapi yanapakuy munasqaykuta, hinallataqmi paykunawan riqsinakuyta maskarqaniku. Perú suyunchikpi UNICEF wasim yanapakuyta munan, warmi qari warmakunapa derechunkuna chaninchasqa kanampaq, mana aylluyuq kaq warmakuna yanapaytapas;

UNICEFmi munan mana pipas usuchisqa kananta. 2,011 watapim kallpanchakuypi karqaniku, politicakuna qispichiypi, allin llamkanaykupaq allichakurqaniku, warmakuna imayna kasqankuta riqsichirqaniku, llaqtapa allinnimpaq willakuykunata maskarqaniku, hinallataqmi huk institucionkunawan kuskanchakurqaniku, usuchinakuy tukunampaq aswan kallpawan llamkanaykupaq. Chaypaqmi tarikuniku andino/ amazónico llaqtakunapi, chaykunapim aswan achka warmakuna usuchisqa kanku. Hinallataqmi ñawpaqman churaniku indígena llaqtakunapa yachayninkuta, chayna kaptinmi warmakuna aswan allinta yuyayninkuta huntachinku. UNICEFpa llamkay masinkunam: Mesa de Concertación para la Lucha contra la Pobreza (MCLCP), Grupo Impulsor por la Infancia, la Agencia Canadiense de Desarrollo Internacional (ACDI), Plan Internacional, CARE, hinallataq Agencias de Naciones Unidas,hukkunapas; ñuqaykum maskarqaniku- gobierno regionalkuna hinalltaq Gobierno Central- warmakunapa sutimpi llamkanankuta. Campaña electoral ruwakusqan punchawkuna, hinallataq tukusqan qawam UNICEF candidatukunaman willarqa imayna warmakuna kasqankuta, hinallataqmi UNICEF yanaparqa wawakunapa, wayna sipaskunapa sutimpi llamkaqkunata, kay puririq watakunapi.

Sapa watam UNICEF qatipan imayna wawakuna kasqankuta. 2,011 watapim qatiparqa “Estrategia de comunicación del programa de transferencias condicionadas Juntos” llamkayninta, hinallataq Educación Intercultural Bilingüe (EIB) nisqata.

UNICEFmi kusisqa kachkan EIB ñawpaqman churasqanmanta, regionkunapi hinalltaq lliw suyunchikpi. Wawakunapa imayna kasqankuta qawarispa allin llamkasqankum, allinta qispichkan ACDI nisqapa yanapakuyninwan.

Manam llamkaykuna sayanchu, servicio de salud aswan allin kanampaq, kawsaq nacimuq wawakuna manaña ancha wañunankupaq. Qallarirqunñam micronutrientes riqsichinapaq llamkay, chaywanmi aswan allinta amachakusun desnutrición cronicamanta, anemiamanta.

Imaynataq yanapakuy llamkaykuna kanqa (2012-2016)

2,011 watapim UNICEF allichakurqa 2012– 2016 watakunapi llamkanankupaq. Chaypim qawarirqaku imayna allin llamkayta warmi qari mana usuchinakunanchikpaq, hinallataq llaqtapa allinnimpaq comunicación ruwanampaq. Hinallataqmi sector privaduman anchuykurqa paykunapas wawakunapa allinnimpaq llamkanankupaq, peruano warmakunapaq qullqita rakinankupaq. Qispisqañam kachkan: Marco de Asistencia de las Naciones Unidas para el Desarrollo o UNDAF 2012-2016. Chaymi yanapawasun derechunchikkuna riqsisqa kanampaq, warmi qari kayninhik hinallataq muyuriqninchik pacha qawarisqa kanampaq.

Programa de Cooperación 2012-2016 llamkaypaqmi aypanqa US$ 47 150 000, ichaqa chayllaraqmi 37 % qullqi kunankama kachkan. Aypay munasqanchik qispinampaqmi yanapakuykunata maskananchik suyunchikpi hinallataq qawa suyukunapi. Perú suyunchikpi mana pipas usuchisqa kanampaqmi, ñawpaqta qawarianchik warmi qari warmakuna allin qispisqa kanankuta.

Programa de Cooperación 2012-2016 llamkayniykum kayta maskan: Estado politicakunapa chawpimpi kachun warmakunapa, wayna sipaskuna derechunkuna, hinallataq local gobiernukunapi, qullqipas rakisqam kanan paykunapaq; chaynaspam aypasun Objetivos de Desarrollo del Milenio maskasqanta.

Chay llamkaymi aswan allinta qawarinqa amazónico/andino indígena wawakunapa derechunkunata, hinallataq hatun llaqtakunapi wakcha utaq sinchi wakcha kaq wawakunapa derechunkunata. UNICEFmi astawan yanapakunqa, perú suyunchik hinallataq gobierno localkuna, warmakunapa allinnimpaq politicakunata aswan allinta llamkanankupaq, qatipanankupaq, allin utaq mana allin kasqankuta qawarinankupaq.

Astawanmi kallpanchachina yanapakuykunata, sinchi sasachakuypi kaq wawakunapaq, warmakunapaq hinallataq wayna sipaskunapaq. Hinallataqmi chaninchasqa kanan ñawpa llaqtakunapa yachayninkuna, warmi qarikuna. Hinallataqmi ayllukuna kay ruwaykunapi yanapakunanaku, comunidadpas qatipananmi llamkaykuna allin utaq mana allin kasqankuta, warmakunapas ruwaykunamanmi yaykunanku, pukllanankupaq huñunakuspanku ima.

Kay Programa de Cooperaciónmi riqsikun “Acuerdo Nacional, del Plan Perú 2021” allinpuni kasqanta hinallataq “Plan de Cooperación Internacional y del Plan Nacional de Acción por la Infancia y la Adolescencia 2011-2021”.

Cooperación 2012 – 2016 programam, tawaman rakisqa llamkan:

  • Warmakuna kawsachiy hinallataq allin qispichiy. 
  • Educación básica, llapallan warmakuna allinta yachanankupaq. 
  • Warmakuna hinallataq wayna sipaskuna qawariy. 
  • Politicakuna qispichiy, llaqtapa allinnimpaq qullqi rakiy hinallataq musuq yachaykuna aypay.

 

 
unite for children