Press centre

Speeches

Secretario Generalininmi Kofi Annan - Runa llahtah wawankunamanta rimarin

UNICEF Image
© United Nations, 2003

Ancha munasqay wayqi panaykuna:

Kay  k’itipin, Perú  urqu q’asanpa chawpinpi, unanchani tukuy imapi llahtaykichis tihsimuyuta thaskirichisqamanta. Chayqa sumah qilqasqan kashan riki Inka llahtakunapi, mixuy phutirichih pata patapi, qhatakunapi  ima. Chayllapitahmi kashan riki yunka runakunah sumah kawsasqanpis, mana imapi kay pacha k’irinchasqanpi kunan p’unchay kama.

Kay suyukunapi rixurisqaypitahmi riki qhawashani kay runa llahtakunah llaki kawsayninta. Kay k’itikunapipas  –huh tihsimuyu llahtakunapipas- chaxrakunapis, unu- yakupas, llahtah rimayninkunapis, qhali kaypas, llahtah ruwayninpas unay watamanta pachan riki, sarunchasqa rixurishan.  Hawa llahtakunamanta winakamuhkunan riki, chay “colonial” nisqakunan, tukuy  imatapis sarunchashanku.  Kawsayninchis pachapis thuniyapushanmi hinaspatahmi mana rixurinchu runa llahtakunaqa ima chay llahta kamachikuypipas. Chaywanpis aswantamá waxcha kaypis, unquypas, t’aqasqa kawsaypis yapakamushan. Wakin ñawpa llahtakunaqa ch’usahyaymanmi riki hayratakushanku.

Runa llahta wawakunaqa, ñarah  suyunku uxupipas, ñarah hawa llahtapi kaspapis, t’aqasqan rixurishanku. Tihsimuyupis, may llahtapis manan chaytaqa
chaninchanmanchu.

Pogreso nisqapis sinchi pisimá chay wawakunapahqa. Fondo de las Naciones Unidas para la Infancia ayllun rimarinqa kunan p’unchaykuna imaynatan wawakuna wañunku, paqarinku ima ancha muchuriypi.  Chaymantapis paykunapahqa manamá vakuna nisqapis, yachaykunapis mast’arikunchu.  Llapa  ayllukunatan mink’ani chay wawakunanah allin kawsaynin usachinankupah qhali kayninkupipas, mixuyninkupipas. Hinallatahmi  tukuy ima yachayninkupipas allin rixurinanku. Paykunah mañakuynintatahmi kusata chaninchana.

Runa llahtah wawankuna yanapahqa ñan mirarishanña kay Perupipas tihsimuyuntinpipas. Ichaqa astawanrahmi llank’ana kashan chay puririchiypiqa.

Runa llahtakunaqa sayarinankupunin wawanku yanapaypiqa. Paykunan rimarinanku tukuy ima kamachikuypipas. Chaypahmi paykunaqa llahtayuh  rixurinku.

Chay ruwaypin llahta mamakunaqa allinta llank’ashankuña. Chaytan tukuypis kallpachanan.

Chaymantapis runa llahtakunaqa “Internacional” rimanakuypipas rixurinankupunin. Ñan  Foro Permanente sobre Asuntos Indígenas de las Naciones Unidaspiqa rimariyta atinkuña. Chaypin qullanankuna, yachah runakuna ima k’ancharishanku imaynatas Naciones Unidas yanapanan  kay qunqasqa llahtakunata ima.

Kay watan Foro Permanenteqa mink’an llahta wawakunah aswan allin kawsananta. Comité sobre los Derechos del Niño ayllun qallarinqa lluy llahtakuna Indígena wawakunamanta sayarinankupah, tukuy imapipas chay wawakuna kusa rixurinankupah.

Uyarisunchis mink’asqankuta, tukuytatah puririchisunchis llapanchis. Chaymi ch’usahyachinqa chay mana allin ñawpa kawsaytaqa, kunan injusticia nisqatapis tatichipunqa. Chaywanqa tukuymi kusi kawayman puririsunchis.

Perumanta Filipinas kama, Australiyah aqu panpankunamanta pacha Artiku  chullunku siwi kaman runa llahtaqa tihsimuyu lahtakunaqa  yachachishan tukuy imatapis. Kunanmi yanapana wawakunaqa kamachikuh runa rixurinqaku q’ayaman. Unanchanapunin tukuy ima kayninkutapis, aswantaqa “Derechos Humanos” nisqakunata.

Yusulpaykisunchi

Kofi Annan

Unofficial translation


 

 

Remarks in other languages

New enhanced search