Առողջապահության համաշխարհային օր
ՀԱՅԱՍՏԱՆՈՒՄ ՄԱԿ-Ի ՄԱՆԿԱԿԱՆ ՀԻՄՆԱԴՐԱՄԻ ՆԵՐԿԱՅԱՑՈՒՑԻՉ ՊՐՆ. ՇԵԼԴՈՆ ՅԵԹԻ ՀԱՅՏԱՐԱՐՈՒԹՅՈՒՆԸ ԱՌՈՂՋԱՊԱՀՈՒԹՅԱՆ ՀԱՄԱՇԽԱՐՀԱՅԻՆ ՕՐՎԱ ԱՌԹԻՎ
7-ը ապրիլի 2006թ., Երևան
Պրն. Դավիդյանց, տիկնայք և պարոնայք, լրատվամիջոցների ներկայացուցիչներ,
Ինձ համար պատիվ է մասնակցել Առողջապահության համաշխարհային օրվան նվիրված այսօրվա միջոցառմանը և կցանկանայի ՄԱԿ-ի Մանկական հիմնադրամի գնահատանքն արտահայտել Առողջապահության նախարարության, Առողջապահության համաշխարհային կազմակերպության և այլ համագործակից կազմակերպությունների աշխատակիցների կատարած աշխատանքի համար:
Երեխաների և նրանց մայրերի առողջության պահպանումը, ինչպես նաև պայքարը կանխարգելի հիվանդությունների տարածման դեմ ՅՈՒՆԻՍԵՖ-ի առաքելության կարևորագույն տարրն է և Հազարամյակի զարգացման նպատակների (ՀԶՆ) հիմնական բաղադրիչներից մեկը:
Առողջապահությանն առնչվող ՀԶՆ-երին հասնելու համար անհրաժեշտ է բարելավել կատարել առողջապահական ենթակառուցվածքը և առողջապահական ծառայությունների մատուցումը:
Վերջին տարիներին Հայաստանը գրանցել է տնտեսական զարգացման կայուն առաջընթաց, որի արդյունքում ավելի մեծ ներդրումներ են կատարվել սոցիալական բոլոր ոլորտներում, այդ թվում նաև առողջապահության մեջ: Սակայն անելիքները դեռ շատ-շատ են: Առանձնապես կարևոր է ներդրումը առողջապահության ոլորտի աշխատուժի զարգացման ոլորտում:
Անցած տասնամյակում ՅՈՒՆԻՍԵՖ-ն աշխատանք է կատարել առողջապահության մասնագետների գիտելիքների և հմտությունների ամրապնդման գործում, հատկապես իմունիզացիայի և մանկական հիվանդությունների կառավարման ոլորտներում: Առողջապահության համաշխարհային կազմակերպության և Առողջապահության նախարարության հետ համատեղ ՅՈՒՆԻՍԵՖ-ը ներմուծել է առողջապահական նոր չափորոշիչներ և ծառայություններ, իրականացնել վերապատրաստման նոր դասընթացներ:
Միասին մենք ձեռք ենք բերել՝
- Կանխարգելի հիվանդությունների դեմ իմունիզացիայի բարձր ցուցանիշների շարունակականություն
- Հինգ տարեկանից ցածր երեխաների մահացության ցուցանիշի գրեթե կրկնակի նվազեցում համեմատած 1990թ.ի հետ
- Աղի համընդհանուր յոդացում:
Արդյունքներն ակնառու են և միաժամանակ մեծ չափով վկայում են Հայաստանի առողջապահության համակարգի աշխատողների կարողությունների մասին: Վստահ եմ, որ աշխատուժի զարգացմանն ուղղված հետագա ներդրումներն էլ ավելի մեծ արդյունք կտան:
Շնորհակալություն:
